सावन सुन्दरी…

©अशोक कुमार यादव

परिचय- मुंगेली, छत्तीसगढ़.

सतरंगी रंग म नहाके निकले,

अपसरा के आँखी चमके मोती।

दौना पान जईसे ममहावय देंह,

चंदा के अंजोर बगरे सबो कोती।।

हरियर-हरियर लुगरा पहिने,

झूलना, झूलत हें फूलवारी।

अंग म सोलह सिंगार करके,

नाचत आवत हें सावन सुन्दरी।।

कोनों गावैं मया-पिरीत के गीत,

कोनों करैं खूब हँसी-ठिठोली।

मन सुआ होगे बईहा रे संगी,

सुनके ऊँखर मैना कस बोली।।

माई लोगिन के सुघरई ल देख,

मूर्छा हो जाथे करिया बादर।

पहिन-ओढ़ के आवैंय जम्मों,

छत्तीसगढ़ माता के रूप ल धर।।

बिधुन होके खेलथें कई खेल,

कई हारथें, कई अऊवल आथें।

सुन्दरी, पाथे सम्मान अऊ ईनाम,

मुकूट पहिनके, रानी बन जाथें।।

? सोशल मीडिया

फेसबुक पेज में जुड़ने के लिए क्लिक करें

https://www.facebook.com/onlinebulletindotin

व्हाट्सएप ग्रुप में जुड़ने के लिए क्लिक करें

https://chat.whatsapp.com/Cj1zs5ocireHsUffFGTSld

ONLINE bulletin dot in में प्रतिदिन सरकारी नौकरी, सरकारी योजनाएं, परीक्षा पाठ्यक्रम, समय सारिणी, परीक्षा परिणाम, सम-सामयिक विषयों और कई अन्य के लिए onlinebulletin.in का अनुसरण करते रहें.

? अगर आपका कोई भाई, दोस्त या रिलेटिव ऑनलाइन बुलेटिन डॉट इन में प्रकाशित किए जाने वाले सरकारी भर्तियों के लिए एलिजिबल है तो उन तक onlinebulletin.in को जरूर पहुंचाएं।

ये खबर भी पढ़ें:

सबका जीवन तू मधुबन बना…