आगे फागुन तिहार | newsforum
©द्रौपदी साहू (शिक्षिका), कोरबा, छत्तीसगढ़
आगे फागुन तिहार, चला रंग लगाबो न।
पीला, लाल, गुलाल, चला रंग लगाबो न।।
नाचत-गावत, झूमत-घूमत।
पिचकारी संग, रंग में बूडत।।
मया-पिरित के गुलाल, चला संग रंगाबो न।
आगे फागुन तिहार, चला रंग लगाबो न।
पीला, लाल, गुलाल, चला रंग लगाबो न।।
परोसी आगे, नंगाड़ा बजावत।
मस्ती म झूमे, भांग मिलावत।।
बस्ती म होगे बवाल, चला रंग लगाबो न।
आगे फागुन तिहार, चला रंग लगाबो न।
पीला, लाल, गुलाल, चला रंग लगाबो न।।
भजिया खावत, गुझिया खावत।
रंग लगाबो, फाग गावत।।
होरी म मचगे धमाल, चला रंग लगाबो न।
आगे फागुन तिहार, चला रंग लगाबो न।
पीला, लाल, गुलाल, चला रंग लगाबो न।।
दीदी-बहिनी, संगी आवय।
आती-जाती, रंग लगावय।।
सबो ल रंग के गुलाल, चला अंग सजाबो न।
आगे फागुन तिहार, चला रंग लगाबो न।
पीला, लाल, गुलाल, चला रंग लगाबो न।।
आमा मउरे, परसा फूलय।
मउहा के मद, हवा म घूलय।।
जम्मो बने नंदलाल, चला रंग लगाबो न।
आगे फागुन तिहार, चला रंग लगाबो न।
पीला, लाल, गुलाल, चला रंग लगाबो न।।
आगे फागुन तिहार, चला रंग लगाबो न।
पीला, लाल, गुलाल, चला रंग लगाबो न।।
