महतारी | Newsforum
©राजेश कुमार मधुकर (शिक्षक), कोरबा, छत्तीसगढ़
लईका ल जनम के देवईया महतारी
लईका ल छोटे ले बड़े करईया महतारी
लईका संग दिन – भर खेलवइया महतारी
लईका ल हाथ से भात खवइया महतारी
लईका बर जान से मरइया महतारी
लईका ल लागय झन डरइया महतारी
लईका ल बुखार आये रोवइया महतारी
लईका ल पईसा के हे देवईया महतारी
लईका के जादा खियाल रखईया महतारी
लईका ल सही का गलत बतइया महतारी
लईका के खुशी म जादा हसईया महतारी
लईका ल गियान के बात बतइया महतारी
लईका ल सबले जादा जनइया महतारी
लईका मन बर खाना के बनइया महतारी
लईका ल सबले जादा समझईया महतारी
लईका ल गोठियाय सिखवइया महतारी
लईका के सादी बिहाव म गवाइया महतारी
लईका के सुख – दुख म जवइया महतारी
लईका ल सबले जादा गारी देवईया महतारी
लईका के हक खातिर लडवइया महतारी
लईका बर पुरा जिनगी देवईया महतारी …
