मोर छत्तीसगढ़ महतारी…
©देवप्रसाद पात्रे
परिचय- मुंगेली, छत्तीसगढ़
माथ नवावव छइहाँ भुइयाँ छत्तीसगढ़ महतारी।
हरियर हरियर कोरा तोर महिमा हवय बड़ भारी।
मोर छत्तीसगढ़ महतारी, तोर आनिबानी चिन्हारी।
1.
कथय तोला धान के कटोरा भारत के पेट भरथच ओ।
भूखन मनखे के भूख मिटाके दुख पीरा ल हरथच ओ।
खून पसीना औटावत हवय इहाँ के नर अउ नारी।
मोर छत्तीसगढ़ महतारी, तोर आनिबानी चिन्हारी।
2.
मनखे-मनखे एक बरोबर कह गए गुरु घासी जी।
तीरथ धाम हे सत करम म एहि मथुरा कांशी जी।
गुरतुर लागय बोली भाखा लइकन के किलकारी
मोर छत्तीसगढ़ महतारी, तोर आनिबानी चिन्हारी।
3.
अरा-ररा के धुन म माते नागर चलावय नगरिहा।
बोरे बासीधर रेंगय गोसईन भूखे होही संवरिया।।
माटी ले सोन उगारत हवय भुइयाँ के संगवारी।
मोर छत्तीसगढ़ महतारी, तोर आनिबानी चिन्हारी।
4.
सुघ्घर-सुघ्घर पहाड़ परबत अउ जंगल रुख-राई
माथ मुकुट मैनपाट हे अरपा के धार बहत हे दाई
बाग बगीचा चमेली गोंदा ममहावत हे फुलवारी ।
मोर छत्तीसगढ़ महतारी, तोर आनिबानी चिन्हारी।
5.
किसम-किसम के करमा ददरिया पंथी राउत नाचा
बिहाव गीत बड़ निक लागे अउ बजथे गढ़वा बाजा
लईका सियान नाचत हवय मिल जुल सँगवारी ।
मोर छत्तीसगढ़ महतारी, तोर आनिबानी चिन्हारी।
🔥 सोशल मीडिया
फेसबुक पेज में जुड़ने के लिए क्लिक करें
https://www.facebook.com/onlinebulletindotin
व्हाट्सएप ग्रुप में जुड़ने के लिए क्लिक करें
https://chat.whatsapp.com/Cj1zs5ocireHsUffFGTSld
ONLINE bulletin dot in में प्रतिदिन सरकारी नौकरी, सरकारी योजनाएं, परीक्षा पाठ्यक्रम, समय सारिणी, परीक्षा परिणाम, सम-सामयिक विषयों और कई अन्य के लिए onlinebulletin.in का अनुसरण करते रहें.
🔥 अगर आपका कोई भाई, दोस्त या रिलेटिव ऑनलाइन बुलेटिन डॉट इन में प्रसारित किए जाने वाले सरकारी भर्तियों के लिए एलिजिबल है तो उन तक onlinebulletin.in को जरूर पहुंचाएं।
ये खबर भी पढ़ें:
टोयोटा कंपनी की कमान अब संभालेगी मानसी टाटा, यहां जाने कौन हैं ये महिला | Mansi Tata
