महूं जाहूं स्कूल…

©अशोक कुमार यादव (शिक्षक)

परिचय- मुंगेली, छत्तीसगढ़.

सुन ना दाई ओ, सुन गा मोर ददा।

महूं जाहूं स्कूल, ले दव ना बस्ता।।

पेन, कापी हा, मोर संगी-साथी ए।

पुस्तक मनी हा, जिनगी के थाती ए।।

पढ़-लिख के चलहूं गियान के रद्दा।

महूं जाहूं स्कूल, ले दव ना बस्ता।।

गुरु जी हा सुनाही, बब्बर शेर के कहानी।

पढ़बो हमन कबिता, मछली जल के रानी।।

हिन्दी हवय मोर महतारी के भाखा।

महूं जाहूं स्कूल, ले दव ना बस्ता।।

जोड़-घटाव बर खुलही गणित के पिटारा।

गुणा-भाग बर गिनबो पहाड़ा गिनतारा।।

आकृति नापबो ता आहय खूब मजा।

महूं जाहूं स्कूल, ले दव ना बस्ता।।

जम्मों जिनिस के नाव ला अंग्रेजी म बोलबो।

सतरंगी इंद्रधनुष के निसैनी बनाके चढ़बो।।

सीखबो पोयम जॉनी-जॉनी यस पापा।

महूं जाहूं स्कूल, ले दव ना बस्ता।।

खेलबो खेलगढ़िया के हमन खेल।

कभू कबड्डी, खो-खो, कभू रेलमरेल।।

नाचा अऊ गाना म मोरो होही चर्चा।

महूं जाहूं स्कूल, ले दव ना बस्ता।।

? सोशल मीडिया

फेसबुक पेज में जुड़ने के लिए क्लिक करें

https://www.facebook.com/onlinebulletindotin

व्हाट्सएप ग्रुप में जुड़ने के लिए क्लिक करें

https://chat.whatsapp.com/Cj1zs5ocireHsUffFGTSld

ONLINE bulletin dot ।n में प्रतिदिन सरकारी नौकरी, सरकारी योजनाएं, परीक्षा पाठ्यक्रम, समय सारिणी, परीक्षा परिणाम, सम-सामयिक विषयों और कई अन्य के लिए onlinebulletin.in का अनुसरण करते रहें.

? अगर आपका कोई भाई, दोस्त या रिलेटिव ऑनलाइन बुलेटिन डॉट इन में प्रकाशित किए जाने वाले सरकारी भर्तियों के लिए एलिजिबल है तो उन तक onlinebulletin.in को जरूर पहुंचाएं।