जय सतनाम ….
©अशोक कुमार यादव (शिक्षक)
परिचय- मुंगेली, छत्तीसगढ़.
जम्मों जुरमिल मनाबो बाबा, तोर जंती।
मांदर अउ झाँझ बजाके, नाचबो पंथी।।
जैतखाम ह शांति, एकता के प्रतीक हे।
गिरौधपुरी ह पूरा एशिया म प्रसिद्ध हे।।
चलव हमन सादा धजा ल चढ़ाबो संगी।
जम्मों जुरमिल मनाबो बाबा, तोर जंती।।
सत के रद्दा म चल, सत म कर बिसवास।
सत म बने हे काया, सत म बगरे उजास।।
हंसा तैंय नाव जप ले सतनाम के कंठी।
जम्मों जुरमिल मनाबो बाबा, तोर जंती।।
चोला तर जाही हमर चरण कुंड म नहाके।
मोक्ष मिलही खड़ाऊ के दरसन ल पाके।।
संत शिरोमणि के कथा बाचव सतसंगी।
जम्मों जुरमिल मनाबो बाबा, तोर जंती।।
मनखे-मनखे हे एक समान के दे उपदेश।
जीव मन ऊपर दया करव दे हच संदेश।।
मांस-मंदिरा, व्यभिचार ल लगाएव पाबंदी।
जम्मों जुरमिल मनाबो बाबा, तोर जंती।
मांदर अउ झाँझ बजाके, नाचबो पंथी।।
🔥 सोशल मीडिया
फेसबुक पेज में जुड़ने के लिए क्लिक करें
https://www.facebook.com/onlinebulletindotin
व्हाट्सएप ग्रुप में जुड़ने के लिए क्लिक करें
https://chat.whatsapp.com/Cj1zs5ocireHsUffFGTSld
ONLINE bulletin dot in में प्रतिदिन सरकारी नौकरी, सरकारी योजनाएं, परीक्षा पाठ्यक्रम, समय सारिणी, परीक्षा परिणाम, सम-सामयिक विषयों और कई अन्य के लिए onlinebulletin.in का अनुसरण करते रहें.
🔥 अगर आपका कोई भाई, दोस्त या रिलेटिव ऑनलाइन बुलेटिन डॉट इन में प्रकाशित किए जाने वाले सरकारी भर्तियों के लिए एलिजिबल है तो उन तक onlinebulletin.in को जरूर पहुंचाएं।